14 декабрь – башҡорт халҡының билдәле мәғрифәтсеһе М.Аҡмулланың тыуған көнө. Башҡортостан Башлығы Указына ярашлы, 14 декабрҙә республикала Башҡорт теле көнө билдәләнә. Уның сиктәрендә бөтә республика буйынса башҡорт телен популярлаштырыу, һаҡлау һәм үҫтереүгә йүнәлтелгән саралар ойошторола.

Беҙҙең “Сулпылар” балалар баҡсаһында ла был көндө башҡорт теленә арналған саралар ойошторолдо. “Ҡояшҡай” һәм “Ынйыҡай” мәктәпкә әҙерлек төркөмдәрендә иртәлектәр уҙғарылды. Сараға Башҡорт теле килеүе байрамға йәм өҫтәне. Башҡа төркөм тәрбиәләнеүселәре туған телебеҙ тураһында әңгәмә ҡорҙолар, шиғырҙар һөйләнеләр, һүрәттәр төшөрҙөләр, башҡорт ҡурсаҡтары менән уйын ҡорҙолар. Тәрбиәләнеүселәр физик тәрбиә биреү инструкторы Йәнбәкова М.А. менән саф һауала башҡорт халыҡ уйындары уйнанылар. Шулай итеп, Башҡорт теле көнө шаулап-гөрләп үтеп тә китте. Был көн балаларҙың хәтерендә оҙаҡҡа һаҡланыр, туған телебеҙгә һөйөүҙәрен, ҡыҙыҡһыныуҙарын арттырыр тип ышанғы килә.