25 ноябрь "Сулпылар" балалар баҡсаһының мәктәпкә әҙерлек төркөмөндә ZOOM платформаһы аша "Балалар мәктәпкә әҙерме?" исемле дистанцион ата - әсәләр йыйылышы үтте. Тәрбиәселәр Ҡәйепҡолова Зөлфиә Ғәлләм ҡыҙы менән Керимова Гүзәлиә Нил ҡыҙы ойошторған был сарала ата - әсәләр, балалар баҡсаһы белгесе, мәктәп уҡытыусылары ҡатнашты.
Киләһе йыл беренсе синыфҡа уҡыусылар алыусы уҡытыусылар - 12-се мәктәптән Зилә Нәдип ҡыҙы Әүбәкирова һәм Рамаҙан Өмөтбаев исемендәге лицейҙан Лилиә Салават ҡыҙы Ишберҙиналар ата-әсәләр өсөн бик фәһемле тәҡдимдәр әйтеп киттеләр. Шулай уҡ, "Сулпылар" балалар баҡсаһының уҡытыусы - логопеды Гөлирә Нурмөхәмәт ҡыҙы Хурамшина кескәйҙәрҙең мәктәпкә әҙерлектәре тураһында мәғлүмәт яһаны. Йыйылыш бөтәбеҙ өсөн дә бик файҙалы булды.