Бер кем дә юҡтыр
Атайым төҫлө –
Ул бик тә батыр,
Ул бик тә көслө!
(Ф.Рәхимғолова)
Ватанды һаҡлаусылар көнөнә арналған "Атайҙар һәм балалар" тип аталған спорт ярышы өлкәндәр төркөмөндә гөрләп үтте. Атайҙар, ағайҙар, әсәйҙәр, апайҙар, балалар "Һалдаттар" һәм "Моряктар" командаларына бүленеп, "Шарҙы ташы", "Һаҙлыҡ аша үт!" эстафета ярыштарында үҙҙәренең сослоҡтарын, етеҙлектәрен һынап ҡаранылыр. Һәр команда үҙ исеменә тура килгән йыр ҙа йырлап ишеттерҙеләр. Конструкторҙар ярҙамында "танк" һәм "корабль" төҙөп үҙҙәренең фантазияларын арттырҙылар.
Балаларҙың атайҙарға арнап әҙерләгән концерт номерҙары мәҫәлән, "Атай", "Любезники,Любизар", "Айҙар ғынайым" йырҙары, "Моряктар" бейеүе, ҡумыҙ моңдарын ихлас ҡабул иттеләр.
Жюри ағзалары тейешле баһалап, дипломдар һәм бүләктәр менән ҡотланы.
Иртәлеккә килгән атайҙарға, ағайҙарға, әсәйҙәргә, апайҙарға ҙур рәхмәт еткерәбеҙ!
Байрам менән ҡотлайбыҙ!