"Бурҙан ҡалһа - уттан ҡалмай!" - тип бушҡа әйтмәгәндәр. Уттан хәүефләнеү тойғоһон балала кесе йәштән булдырыу мөһим. Хәүефһеҙлек ҡағиҙәләрен һаҡлау һәр кемдең ғәҙәтенә инергә тейеш тигән маҡсат менән "Сулпылар" балалар баҡсаһы "Хәүефһеҙлек айлығы" акцияһына ҡушылдылар. Балаларҙа янғын хәүефһеҙлеге төшөнсәһен формалаштырыу, янғын тураһында белемдәрен киңәйтеү, яуаплылыҡ, һаҡлыҡ тәрбиәләү өлкәндәрҙең төп бурысы. Ошо маҡсат менән балалар баҡсаһында төрлө саралар үткәрелде һәм уларҙы йомғаҡлап “Шырпы – уйынсыҡ түгел!”- тигән, тәрбиәләнеүселәр араһында һүрәттәр конкурсы ойошторолдо һәм еңеүселәр ҙә билдәләнде, улар маҡтау ҡағыҙы менән бүләкләнделәр.
Тәрбиәсе Маннанова Г.У.