Тышта ҡар яуа, ҡар яуа,
Ниндәй саф һауа, саф һауа,
Әйҙә сығайыҡ, сығайыҡ,
Саңғы шыуайыҡ, шыуайыҡ!
27 ғинуар көнө “Сулпылар” балалар баҡсаһында “Бөтәһе лә саңғы шыуырға!” акцияһы уҙғарылды. Балалар баҡсаһының тәрбиәләнеүселәре был акцияға бик ихлас ҡушылды. Тәрбиәләнеүселәр тәрбиәселәре менән саңғыла баҡса биләмәһе буйлап йөрөнөләр, ә мәктәпкә әҙерлек төркөмө хатта үҙ-ара ярыш ойошторҙо. Был ярышты улар Ленинград ҡалаһын блокаданан азат итеү көнөнә арнаны.
Кескәйҙәр саңғыла йөрөүҙең файҙаһын бик яҡшы беләләр. Саңғы шыуыусының кәүҙәһе һәр саҡ формала була, аяҡ-ҡулдары көслө, тын юлдары өсөн дә файҙалы, - ти улар. Саңғы һөйөүсе малай-ҡыҙҙарға: “Афарин!” – тип әйтергә генә ҡала.