31 май көнө "Сулпылар"балалар баҡсаһында ла "Балаларҙы яҡлау көнө" билдәләнеп китте.

Балаларҙы иртәндән байрамса биҙәлгән баҡса көтә ине.Байрамды башларға Йәйбикә үҙенең яҡын дуҫтары Ҡояшҡай менән Ямғырҡайҙы бергә алып килеп тә етте,балалар бик шатланышып ҡаршы алдылар.Үҙҙәренең тәрбиәселәре менән әҙерләгән башҡортса шиғырҙар һөйләп,йырҙар йырлап та күрһәттеләр,айырыуса уртансылар төркөмөнән Мәүлитова Нурияның йыры бөтәһен дә әсир итте. Йәйбикәнең дуҫтары менән ойошторған төрлө уйындарҙан да ситтә ҡалманылар, хатта бәләкәстәр ҙә ихлас күңелдән ҡатнаштылар.

Балалар-ғүмеребеҙҙең сәскәләре,илебеҙҙең киләсәге! Уларҙы яратайыҡ, яҡлайыҡ, һаҡлайыҡ!