"Сулпылар" балалар баҡсаһы "Кескәй бал ҡорттары" төркөмөндә "Беҙ йәшәгән урын" темаһын дауам итеп, Башҡортостаныбыҙҙың тәбиғәте, хайуандары менән танышабыҙ. Ә бына бөгөн, балалар, йорт хайуандарының береһе - ат тураһында белемдәрен арттырҙылар. Йорт хайуандарының атамаларын, уларҙың тән өлөштәрен әйтә белеү, башҡорт телендә хайуандарға, ҡоштарға "нимә?" һорауы бирелеүен төшөнөү. Фекерләү, тыңлап аңлау, һөйләү һәләттәрен үҫтереү. Уларға иғтибарлы булырға өйрәтеү, һаҡсыл ҡараш тәрбиәләү маҡсаттары ҡуйылды.