11 октябрь көнө бөтә республика Башҡортостан көнөн билдәләне. "Сулпылар" балалар баҡсаһы тәрбиәләнеүселәре  лә байрамды шатланып ҡаршы алдылар. Өлкәндәр төркөмө "Сәскәле Башҡортостан!", ә мәктәпкә әҙерлек төркөмө балалары "Ғорурланам һинең менән Башҡортостан!" исемле музыкаль күңел асыу саралары үткәрҙеләр. Байрамда балалар башҡорт иле тураһында шиғырҙар һөйләнеләр, мәҡәл -әйтемдәр әйтештеләр, йырлап - бейеп күңел астылар. Сараға  Рәсәй Федерацияһының, Башҡортостан Республикаһының журналстар союзы ағзаһы, ҡоролтай ағзаһы, яҙыусы ҒәйнуллинаТаңһылыу Фәтих ҡыҙы саҡырылды. Илем, телем тип янып - көйөп йәшәгән шәхес балаларҙы тыуып - үҫкән ерҙәрен яратырға, ҡәҙерләргә өндәне. Байрам аҙағында балалар, ата- әсәләр Таңһылыу Фәтих ҡыҙы менән иҫтәлеккә фото төштөләр.